روس افغان طالبان کو اسلحہ فراہم کررہا ہے:امریکی جنرل کا الزام 

روس افغان طالبان کو اسلحہ فراہم کررہا ہے:امریکی جنرل کا الزام 
روس افغان طالبان کو اسلحہ فراہم کررہا ہے:امریکی جنرل کا الزام 

  IOS Dailypakistan app Android Dailypakistan app

کابل (اے این این)افغانستان میں امریکی افواج کے سربراہ جنرل جان نکولسن نے کہا ہے کہ روس نہ صرف طالبان کی مدد کر رہا ہے بلکہ انھیں اسلحہ بھی فراہم کر رہا ہے، ہم نے افغانستان میں شدت پسند تنظیم کے جنگجوں کی موجودگی کو ایک ثبوت کے طور پر دیکھا ہے ۔
بی بی سی کے ساتھ خصوصی انٹرویو میں جنرل جان نکولسن کا کہناتھا کہ ہمارے پاس طالبان کی جانب سے لکھی جانے والی ایسی کہانیاں موجود ہیں جو میڈیا میں شائع ہوئی ہیں جن میں کہا گیا ہے کہ دشمن نے ان کی مالی مدد کی، ہمارے پاس ہتھیار ہیں جو ہمیں افغان رہنماؤں نے دیے ہیں اور یہ ہتھیار روسیوں نے طالبان کو فراہم کئے، یہی نہیں ہمیں معلوم ہے اس میں روسی ملوث ہیں۔ انھوں نے کہا کہ روس نے تاجکستان کے ساتھ افغان سرحد پر مشقوں کا ایک سلسلہ شروع کیا ہے۔امریکی جنرل کے بقول یہ انسداد دہشت گردی کی مشقیں ہیں لیکن ہم روسی پیٹرن پہلے دیکھ چکے ہیں، وہ بڑے پیمانے پر سازو سامان لے جاتے ہیں اور پھر اس میں سے کچھ سامان پیچھے رہ جاتا ہے۔ان کا مزید کہنا تھا کہ یہ ہتھیار اور دوسرا سامان سرحد کے ذریعے سمگل کیا جاتا ہے اور پھر طالبان کو فراہم کیا جاتا ہے۔