تحریک انصاف کے جلسہ مینار پاکستان کی تیاریاں حتمی مراحل میں داخل، عوام کی ریکارڈ شرکت کا دعویٰ
لاہور (خصوصی رپورٹ) ایک طرف محکمہ موسمیات کی بارش کی پیشگوئی ہے تودوسری جانب ضلعی انتظامیہ کی طرف سے مینار پاکستان کی گراؤنڈ میں پانی چھوڑے جانے کی اطلاعات ہیں ۔ ان سب کے باوجود پاکستان تحریک انصاف کی جانب سے جلسے کی بھرپور تیاریاں کی جا رہی ہیں اور بتایا جا رہا ہے کہ تیاریاں حتمی مراحل میں داخل ہو چکی ہیں ۔پی ٹی آئی کے مرکزی رہنماؤں سینیٹر سیف اللہ نیازی، میاں محمد اسلم اقبال نے مینار پاکستان کا دورہ کیا اورجلسے کے انتظامات کا جائزہ لیا ۔ مینار پاکستان میں تحریک انصاف کے زیر اہتمام تاریخی جلسہ ہو گا، پی ٹی آئی کی جانب سے جلسے میں شہریوں کی ریکارڈ شرکت کا دعویٰ کیا جا رہا ہے۔
