بین الپارلیمانی یونین کا اجلاس  پاکستانی وفد کی شرکت کا فیصلہ

جنیوا (این این آئی)سوئٹزرلینڈ کے شہر جنیوا میں 148 ویں بین الپارلیمانی یونین کے اجلاس میں طویل تعطل کے بعد پاکستان کے پارلیمانی وفد کا اسپیکر قومی اسمبلی کی قیادت میں شرکت کا فیصلہ کرلیا۔بین الپارلیمانی اجلاس میں پارلیمانی وفد کی جانب سے کشمیر میں جاری ظلم و ستم، ماہ رمضان میں نہتے فلسطینیوں پر اسرائیل کے بیہمانہ مظالم، موسمیاتی تبدیلیوں کے باعث پاکستان پر پڑنے والے اقتصادی و سماجی اثرات، افغانستان کی صورت حال اور بین الاقوامی برادری میں اسلامو فوبیا کی بڑھتی ہوئی لہر پر ایک ٹھوس موقف اپنانے کا فیصلہ کیا گیا ہے۔ سپیکر قومی اسمبلی سردار ایاز صادق  148 ویں بین الپارلیمانی یونین کی جنرل اسمبلی کے اجلاس سے اپنے خطاب میں ان تمام امور پر پاکستان کے عوام کے جذبات کی ترجمانی کریں گے۔

 بین الپارلیمانی یونین