پاکستان نے مختلف خطرات اور چیلنجز پر قابو پالیا:شی جن پھنگ
بیجنگ (این این آئی)چینی صدر شی جن پھنگ نے پاکستانی صدرآصف علی زرداری کو یوم پاکستان پر مبارکباد کا پیغام بھیجا ہے چینی میڈ یا گروپ کے مطا بق شی جن پھنگ نے نشاندہی کی کہ حالیہ برسوں میں پاکستان نے مختلف خطرات اور چیلنجز پر قابو پایا ہے، قومی تعمیر میں نئی پیش رفت کی ہے اور بین الاقوامی اور علاقائی امور میں اہم کردار ادا کیا ہے دنیا، زمانے اور تاریخ کی تبدیلیوں کے تناظر میں، چین اور پاکستان نے ملکر ایک دوسرے کی مدد کی ہے اور "آہنی" دوستی کو فروغ دیا ہے وہ چین پاکستان تعلقات کی ترقی کو بہت اہمیت دیتے ہیں اور صدر زرداری کے ساتھ سٹریٹجک رابطوں کو مضبوط بنانے، دونوں ممالک کے درمیان تمام شعبوں میں تبادلوں اور تعاون کو فروغ دینے اور چین اور پاکستان کے مابین چاروں موسموں کی تزویراتی شراکت داری کو مزید گہرا کرنے کیلئے تیار ہیں نئے دور میں مزید قر بت کے حامل چین پاکستان ہم نصیب معاشرے کی تعمیر کو تیز کیا جائیگااسی دن چین کے وزیر اعظم لی چھیانگ اور سی پی سی کی مرکزی کمیٹی کے سیاسی بیورو کے رکن اور چینی وزیر خارجہ وانگ ای نے بالترتیب پاکستانی وزیر اعظم شہباز شریف اور وزیر خارجہ اسحاق ڈار کے نام یوم پاکستان پر مبارکباد کے پیغامات بھیجے۔
چینی صدر
