نومسلم بھارتی اداکارہ دپیکا ککڑ کی پہلے ماہِ رمضان کی تصاویر وائرل

نومسلم بھارتی اداکارہ دپیکا ککڑ کی پہلے ماہِ رمضان کی تصاویر وائرل

نئی دہلی(مانیٹرنگ ڈیسک) نو مسلم بھارتی اداکارہ دپیکا ککڑ کے پہلے ماہ رمضان کی تصاویر سوشل میڈیا پر تیزی سے وائرل ہورہی ہیں۔بھارتی ٹی وی کے ڈرامے ’سسرال سمر کا‘ سے شہرت (بقیہ نمبر29صفحہ12پر )

حاصل کرنے والی اداکارہ دپیکا ککڑ نے رواں سال کے آغاز میں ہندو مذہب چھوڑ کر اسلام قبول کیا تھا اور ساتھی اداکار شعیب ابراہیم سے شادی کی تھی۔اداکارہ شادی کے بعد پہلا رمضان گزار رہی ہیں جس کی تصاویر سوشل میڈیا پر گردش کر رہی ہیں۔دپیکا ککڑ کے شوہر شعیب ابراہیم نے اہلیہ کے ساتھ رمضان المبارک کی چند تصاویر سوشل میڈیا پر پوسٹ کی ہیں۔تصاویر میں دیکھا جاسکتا ہے کہ اداکارہ دپیکا ککڑ شوہر اور دیگر گھر والوں کے ساتھ افطاری کے دسترخوان پر بیٹھی ہیں اور نہایت خوش نظر آرہی ہیں۔شعیب ابراہیم نے تصویر پوسٹ کرتے ہوئے لکھا ہے کہ ’آج کے چھوٹے چھوٹے لمحات کل کی ہماری بہترین یادیں ہوتی ہیں۔‘‘جہاں مداحوں کی جانب سے بھی اداکارہ کی تصویروں کو بے حد پسند کیا جارہا ہے وہیں بھارتی میڈیا نے بھی ان پر خصوصی رپورٹس بنائی ہیں۔

مزید : ملتان صفحہ آخر