16اراکین اسمبلی ن لیگ چھوڑ کر تحریک انصاف میں شامل

16اراکین اسمبلی ن لیگ چھوڑ کر تحریک انصاف میں شامل
16اراکین اسمبلی ن لیگ چھوڑ کر تحریک انصاف میں شامل

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

اسلام آباد (ڈیلی پاکستان آن لائن) اب تک مسلم لیگ ن کے کل 16ممبران قومی اسمبلی (ایم این ایز) پارٹی چھوڑ کرتحریک انصاف میں شامل ہوچکے ہیں۔

مائیکروبلاگنگ ویب سائٹ پر تفصیلات شیئرکرتے ہوئے سینئر صحافی بے نظیر شاہ نے بتایاکہ مسلم لیگ ن چھوڑ کر تحریک انصاف میں شامل ہونیوالوں میں فیصل آباد سے نثار جٹ، مظفرگڑھ سے عاشق گوپانگ، شیخوپورہ سے بلال احمد ورک ، بھکر سے افضل خان ڈھانڈلہ، راجن پور سے جعفر لغاری، گوجرانوالہ سے طارق محمود، چنیوٹ سے غلام بی بی بھروانہ شامل ہیں۔

ان کے علاوہ فیصل آباد سے ہی کرنل غلام رسول ساہی ، گوجرانوالہ سے رانا عمر نذیر، خانیوال سے رضاحیات ہراج ، نارووال سے میاں محمد رشید بھی ن لیگ چھوڑ کر کھلاڑیوں کی ٹیم جوائن کرچکے ہیں۔

اسی طرح 9اپریل کو جنوبی پنجاب سے پانچ اراکین اسمبلی نے پارٹی سے بغاوت کردی تھی جنہوں نے بعد میں تحریک انصاف سے اتحاد کرلیا تھا۔

مزید : قومی