لارڈز ٹیسٹ،پاکستان نے انگلینڈ کے خلاف ایک وکٹ کے نقصان پر 50رنز بنالئے

لارڈز ٹیسٹ،پاکستان نے انگلینڈ کے خلاف ایک وکٹ کے نقصان پر 50رنز بنالئے
لارڈز ٹیسٹ،پاکستان نے انگلینڈ کے خلاف ایک وکٹ کے نقصان پر 50رنز بنالئے

لارڈز(ڈیلی پاکستان آن لائن)پاکستان اور انگلینڈ کے درمیان کھیلے جانے والے میچ میں قومی ٹیم نے پہلے دن کے اختتام  تک  ایک وکٹ کے نقصان پر 50رنز بنالئے جبکہ اسے ابھی بھی 134رنز کا خسارہ ہے۔

انگلینڈ کو184رنز تک محدود کرنے کے بعد پاکستان کی جانب سے اننگ کا آغازاظہر علی اور امام الحق نے کیالیکن 12کے مجموعے پر امام الحق4رنز بنانے کے بعدپویلین لوٹ گئے جبکہ ان کی وکٹ سٹورٹ براڈ کے حصے آئی۔

دن کے اختتام تک کریز پراظہر علی اور حارث سہیل موجود ہیں جہنو ں نے بالترتیب18اور21رنز بنائے ہیں۔

اس سے قبل انگلش کپتان جو روٹ نے ٹاس جیت کر پہلے بیٹنگ کا فیصلہ کیا تو ان کی طرف سے ایلسٹر کک اور مارک سٹون مین میدان میں آئے اور 12کے مجموعے پر ہی سٹو ن مین4رنز بنانے کے بعد پویلین لوٹ گئے۔33کے مجموعے پرانگلینڈ کو دوسرا نقصان کپتان جوئی روٹ کی شکل میں اٹھاناپڑا ان کی وکٹ حسن علی کے حصے آئی۔وکٹیں گرنے کا یہ سلسلہ جاری رہا اور پوری ٹیم 184رنز پر ڈھیر ہوگئی۔

اس کے بعد انگلینڈ کی جانب سے مزاحمت صرف ایلسٹرکک ہی نے کی انہوں نے 70رنز بنائے ،یہ قیمتی وکٹ محمد عامر کے حصے آئی۔

پاکستان کی جانب سے محمد عباس اور حسن علی نے چار ،چار جبکہ محمد عامر او ر فہیم اشرف نے ایک ،ایک وکٹ حاصل کی۔

خیال رہے انگلینڈ کا پاکستان کے خلاف لارڈز کرکٹ گراونڈ میں پہلی اننگ میں یہ سب سے کم سکور ہے۔

 

مزید : اہم خبریں /کھیل

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...