ثانیہ مرزا نے حمل کے دوران ہی ایسا کام شروع کردیا کہ پاکستانی لڑکیا ں سوچ بھی نہیں سکتیں
ممبئی (ڈیلی پاکستان آن لائن )پاکستانی سٹار آل راﺅنڈر شعیب ملک کی اہلیہ اور بھارتی ٹینس سٹار ثانیہ مرزا نے حمل کے دوران اپنی ورزش کرنے کی تصاویر سوشل میڈ یا پر شیئر کردیں جسے دیکھ کر سب حیران رہ گئے اور سوشل میڈ یا صارفین نے ثانیہ مرزا کی ہمت کی داد بھی دی ۔
تفصیل کے مطابق چند ہفتوں قبل ثانیہ مرزا اورشعیب ملک نے سوشل میڈ یا پر اپنے ہاں نئے مہمان کی آمد کی خبر دے کر سب کو خوش کیا تھا ۔اس کے بعد ثانیہ مرزا مختلف مواقع پر سوشل میڈ یا پر آتی رہتی ہیں ،گزشتہ دنوں شعیب ملک اور ثانیہ مرزا اپنی فیملی سمیت عمرہ کی سعادت حاصل کرنے سعودی عرب بھی گئی ہوئیں تھیں ۔
اب ثانیہ مرزا نے ورزش کرتے ہوئے اپنی تصاویر شیئر کیں اور ساتھ ہی پیغام میں لکھا ،سپر امی ،جلد سپر موم بننے والی ،سپر خاتون ۔یہ تصاویر دیکھ کر سوشل میڈ یا صارفین حیران رہ گئے اور خواتین بھی دنگ رہ گئیں۔خواتین سوچتی ہیں کہ حمل کے دوران ورزش کرنا درست عمل نہیں ہوتا لیکن ڈاکٹروں کا کہنا ہے کہ حمل کے دوران خواتین کے لیے مناسب ورزش بچے اور خاتون کی صحت کے لیے ضروری ہوتی ہے ۔
