وزیر اعظم اور اپوزیشن لیڈر کے درمیان نگران وزیر اعظم کے حوالے سے آج ہونے والی ملاقات منسوخ

وزیر اعظم اور اپوزیشن لیڈر کے درمیان نگران وزیر اعظم کے حوالے سے آج ہونے والی ...
وزیر اعظم اور اپوزیشن لیڈر کے درمیان نگران وزیر اعظم کے حوالے سے آج ہونے والی ملاقات منسوخ

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

اسلام آباد(ڈیلی پاکستان آن لائن) ملک میں نگراں وزیراعظم کے حوالے سے وزیراعظم شاہد خاقان عباسی اور اپوزیشن لیڈر سید خورشید شاہ کی آج ہونے والی ملاقات منسوخ ہوگئی ہے جب کہ خورشید شاہ نے کہا ہے کہ اس معاملے پر شاہد خاقان عباسی سے اب کوئی ملاقات نہیں ہوگی۔

تفصیلات کے مطابق وزیراعظم شاہد خاقان عباسی اور قائد حزب اختلاف خورشید شاہ کی نگراں وزیراعظم کے حوالے سے آج ہونے والی ملاقات منسوخ ہوگئی ہے اور معاملہ مزید تعطل کا شکار ہوگیا ہے۔قائد حزب اختلاف خورشید شاہ نے کہا ہے کہ شاہد خاقان عباسی نگراں وزیراعظم کے ناموں کے معاملے پر اپنی بات سے پھر گئے ہیں، اب ان سے نگراں وزیراعظم کے معاملے پر ملاقات نہیں ہو گی، ہمیں کہا گیا کہ ججز کو نگراں وزیراعظم کے نام میں شامل نہیں کیا جائے گا، ہم ججز کے نام دینا چاہتے تھے لیکن نہیں دئیے، اب ہوسکتا ہے پارٹی مشاورت کے بعد پارلیمانی کمیٹی کے لئے 2 نام سپیکر قومی اسمبلی کو بھجوادوں، پیپلز پارٹی کی طرف سے نوید قمر اور شیری رحمن پارلیمانی کمیٹی میں شامل ہوں گے۔

اس سے قبل قومی اسمبلی میں اپوزیشن لیڈر خورشید شاہ نے گزشتہ روز بھی شکوہ کیا تھا کہ نگراں وزیراعظم کا معاملہ پارلیمانی کمیٹی کے پاس جائیگا، حکومت معاملے پر اپنی بات سے پیچھے ہٹ رہی ہے، وزیراعظم کو ہمارے نام مسترد کرنے کا کوئی اختیار نہیں، اپوزیشن کے نام مسترد نہیں ہو سکتے بلکہ پارلیمانی کمیٹی کو بھیجے جائیں گے۔

مزید : اہم خبریں /قومی /سیاست