انگلینڈ کے خلاف محمد عباس کی شاندار کارکردگی

انگلینڈ کے خلاف محمد عباس کی شاندار کارکردگی
انگلینڈ کے خلاف محمد عباس کی شاندار کارکردگی

لارڈز(ڈیلی پاکستان آن لائن)پاکستان اور انگلینڈ کے درمیان کھیلے جارہے ٹیسٹ میچ میں قومی ٹیم نے کما ل کارکردگی کا مظاہرہ کرتے ہوئے میزبان ٹیم کوپہلی اننگ میں184رنز تک محدود کردیا ،قومی ٹیم کی جانب سے محمد عباس اور حسن علی نے چار،چار وکٹیں حاصل کی۔

ْقومی ٹیم میں اپنے کئیریر کا چھٹا میچ کھیلنے والے محمد عباس نے اس اہم دورے  میں اپنے انتخاب کو اپنی کارکردگی سے ٹھیک ثابت کردیا۔ٹاس جیت کر اننگ کا آغاز کرنے والی انگلینڈ کوپہلا نقصان کھیل کے چوتھے اوورز میں ہی اٹھا نا پڑا جب فاسٹ باولر محمد عباس نے مارک سٹون مین کوکلین بولڈ کردیا وہ صرف چار رنز ہی بناپائے۔محمد عباس نے بن سٹوکس کو اس وقت ایل بی ڈبلیو کیا جب لگ رہا تھا کہ وہ اپنی ٹیم کے مجموعے کو مستحکم بنادیں گے۔ٹیل اینڈ ر کی تباہی بھی محمد عباس نے ہی اڑائی،ڈومینک بیس اور سٹورٹ براڈ ان کے آخری دو شکار ثابت ہوئے۔

یاد رہے محمد عباس نے ویسٹ انڈیزکے خلاف2017میں ٹیسٹ ڈیبیوکیا تھا اور اب وہ اپنے کئیرئیر کا چھٹا میچ کھیل رہے ہیں جہا ں انہوں نے 32وکٹیں لے رکھی ہیں ،ان کی بہترین باولنگ 32رنز کے عوض5وکٹیں ہیں جو انہوں نے ویسٹ انڈیز کے خلاف حاصل کی تھی۔اس کے علاوہ انہوں نے آئرلینڈ کے خلاف بھی 66رنز کے عوض5وکٹیں حاصل کی۔

مزید : کھیل

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...