’جہانگیر ترین عمران خان کی آنکھ کا تارا نہیں بلکہ وہ ۔۔۔‘حامد خان ایک مرتبہ پھر جہانگیر ترین کے خلاف میدان میں آ گئے ایسی بات کہہ دی کہ سن کر عمران خان خود بھی دنگ رہ جائیں گے

’جہانگیر ترین عمران خان کی آنکھ کا تارا نہیں بلکہ وہ ۔۔۔‘حامد خان ایک مرتبہ ...

لاہور (ڈیلی پاکستان آن لائن ) پاکستان تحریک انصاف کے رہنما حامد خان نے کہا ہے کہ نااہل ہونے والوں کو خود ہی سمجھ لینا چاہیے، نااہل ہونے والا الیکشن نہیں لڑ سکتا تو انہیں خود ہی علیحدہ ہو جانا چاہیے، جہانگیر ترین چیئرمین پی ٹی آئی کی آنکھ کا تارہ نہیں، عمران خان مروت ضرور برتتے ہیں۔

نجی ٹی وی دنیا نیوز کے پروگرام ”دنیا کامران خان کے ساتھ“ میں گفتگو کرتے ہوئے حامد خان نے کہا کہ میں نہیں سمجھتا شاہ محمود قریشی اور جہانگیر ترین میں کوئی تنازع ہے، اگر کوئی وجہ ہے تو جہانگیرترین خود ہیں، پارٹی کے موقف سے نفی کرنے سے پارٹی کو نقصان ہوتا ہے۔ ان کو خود سوچنا چاہیے پارٹی لیڈرشپ کے لیے مشکل کھڑی نہ کریں۔

حامد خان نے کہا کہ نااہلی کے بعد پارٹی میں کوئی عہدہ نہیں سنبھال سکتا، نااہل ہونے والوں کو خود ہی سمجھ لینا چاہیے، نااہل ہونے والا الیکشن نہیں لڑ سکتا تو انہیں خود ہی علیحدہ ہو جانا چاہیے۔ان کا کہنا تھا کہ اس حوالے سے پارٹی کے اندر بڑی بے چینی پائی جاتی ہے، جو نااہل ہو گیا اسے خود ہی خیال کرنا چاہیے کیونکہ یہ معاملہ قانونی ہے، اس وجہ سے پارٹی کو بڑی شرمندگی کا سامنا ہے۔ جو موقف نواز شریف وہی اپنی پارٹی کے لیے اپنانا چاہتے ہیں، جسے سپریم کورٹ نااہل قرار دے وہ پارٹی معاملات نہیں چلا سکتا۔

پی ٹی آئی رہنما کا کہنا تھا کہ پارٹیاں بدلنے والوں کی معاشرے میں عزت نہیں ہوتی، ایسے لوگوں کی سیاسی طور پر کوئی عزت نہیں کرتا۔ اصل کارکن تو ہم ہیں، ایسے لوگ تو فصلی جو جہاں مرضی چلے جاتے ہیں۔

مزید : اہم خبریں /قومی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...