سعودی عرب میں کورونا وائرس بے قابو ہو گیا، ایک ہی دن میں کتنے کیسز سامنے آ گئے؟ انتہائی تشویشناک خبر آ گئی

سعودی عرب میں کورونا وائرس بے قابو ہو گیا، ایک ہی دن میں کتنے کیسز سامنے آ ...
سعودی عرب میں کورونا وائرس بے قابو ہو گیا، ایک ہی دن میں کتنے کیسز سامنے آ گئے؟ انتہائی تشویشناک خبر آ گئی

  

ریاض (ڈیلی پاکستان آن لائن) سعودی مملکت میں کورونا وائرس کا جن بے قابو ہو گیا ہے اور مملکت میں ایک ہی روز میں 2442 افراد میں کورونا وائرس کی تشخیص ہوئی ہے جس کے بعد مجموعی کیسز کی تعداد 70,161 تک پہنچ گئی ہے اور مملکت میں مکمل لاک ڈاﺅن کے باعث عید کے اجتماعات بھی منعقد نہیں کئے گئے۔

تفصیلات کے مطابق نئے مریضوں میں 38 فیصد سعودی اور 62 فیصد غیر ملکی شامل ہیں اور وزارت صحت کے ترجمان ڈاکٹر محمد العبد العالی نے یومیہ پریس بریفنگ کے دوران بتایا کہ مملکت میں کورونا وائرس کے باعث پچھلے 24 گھنٹوں میں 13 افراد ہلاک ہوئے جس کے بعد ہلاکتوں کی تعداد 379 ہو گئی ہے جبکہ 2963 افراد صحت یاب ہو کر گھروں کو لوٹ گئے ہیں جس کے بعد مملکت میں اب تک صحت یاب ہونے والے افراد کی مجموعی تعداد 41,236 ہو گئی ہے۔

کورونا وائرس کے نئے سامنے آنے والے مریضوں میں 38 فیصد سعودی ہیں جبکہ 62 فیصد کا تعلق دیگر ممالک سے ہے اور مجموعی مریضوں میں مردوں کی گنتی 73 فیصد جبکہ خواتین کی تعداد 27فیصد ہے۔ مملکت میں سامنے آنے والے مجموعی کیسز میں بچوں میں کورونا کا تناسب 11 فیصد ریکارڈ کیا گیا ہے جبکہ بزرگ مریضوں کی شرح 4 فیصد بتائی گئی ہے۔

سعودی وزارت داخلہ کے ترجمان طلال الشلہوب نے جمعہ 22 مئی شام 5 بجے سے ملک بھر میں مکمل لاک ڈاﺅن کا اعلان کیا تھا جو بدھ 27 مئی تک جاری رہے گا اور اس کے بعد سعودی عرب کے تمام صوبوں، شہروں اور قصبوں میں مکمل کرفیو نافذ کردیا گیا جس پر عملدرآمد کا اندازہ اس بات سے لگایا جا سکتا ہے کہ مملکت میں نماز عید کے اجتماعات کا انعقاد بھی نہیں ہو سکا۔ ان کا کہنا تھا کہ دیہات، تحصیلوں اور چھوٹی چھوٹی بستیوں میں بھی پٹرولنگ ہوگی اور اس دوران جو شخص بھی مکمل لاک ڈاﺅن اقدامات کی خلاف ورزی کرتے ہوئے پایا جائے گا اس کے خلاف کارروائی ہوگی۔

مزید :

عرب دنیا -کورونا وائرس -