وزیراعظم، صدر مملکت اور آرمی چیف کی قوم کو عید الفطر کی مبارکباد

وزیراعظم، صدر مملکت اور آرمی چیف کی قوم کو عید الفطر کی مبارکباد
وزیراعظم، صدر مملکت اور آرمی چیف کی قوم کو عید الفطر کی مبارکباد

  

لاہور (ڈیلی پاکستان آن لائن) پاکستان سمیت دنیا بھر میں عیدالفطر آج مذہبی جوش وخروش کے ساتھ منائی جاری ہے جس پر وزیراعظم پاکستان عمران خان، صدر مملکت عارف علوی اور آرمی چیف جنرل قمر جاوید باجوہ نے قوم کو مبارکباد پیش کی ہے۔

تفصیلات کے مطابق وزیراعظم عمران خان نے اپنے عید کے پیغام میں اہل کشمیر کو سلام پیش کیا اور کہا کہ عید سعید کے موقع پر خصوصی تہنیتی پیغام اور نیک خواہشات کے ساتھ مقبوضہ جموں و کشمیر میں قابض بھارتی افواج کی جاری بربریت کا نہایت ہمت و جوان مردی سے سامنا کرنے اور غیرانسانی محاصرے کے دوران صبر و استقامت کا پہاڑ بن کر ڈٹے رہنے پر اہل کشمیر کو ہمارا سلام۔

صدر مملکت عارف علوی نے عید کے پیغام میں کہا کہ میں اپنی عید شہدا پی آئی اے، کورونا سے پیدا شدہ صورتحال میں روزی کمانے کی کوشش کرنے والے سب غریبوں، ڈاکٹرز، نرسز، کورونا کے مریض، ہندوستانی مظالم برداشت کرنے والے کشمیریوں، ہندوستان میں اسلاموفوبیا سے متاثرہ مسلمانوں، فلسطینیوں اور مسلمان مہاجرین کے نام وقف کرتا ہوں۔

آرمی چیف جنرل قمر جاوید باجوہ نے قوم کو عید کی مبارکباد دی اور کہا کہ ہم آج کے چیلنجوں پر قابو پانے کیلئے اللہ کی مدد اور رہنمائی کیلئے دعا کرتے ہیں۔

مزید :

اہم خبریں -قومی -