بے شمارپراجیکٹس میں اداکاری کی آفرز ہیں، مومنہ بتول
لاہور(فلم رپورٹر)اداکارہ وماڈل مومنہ بتول نے کہا کہ جہاں تک بات میری ہے تو اس وقت میرے پاس کئی پراجیکٹس کی آفرز ہیں جس کے بارے میں ابھی تک اس لئے کوئی فیصلہ نہیں کرپائی کہ میں پہلے ہی ٹی وی کے پروجیکٹس میں بے حد مصروف ہوں، لیکن میں بھی جلد ہی سلورسکرین پر کام کرتی دکھائی دوں گی۔انہوں نے کہا کہ ہمیں دیگر ممالک کے ساتھ بھی جوائنٹ ایڈونچر کرنا چاہیے اس سے ہمارے فنکاروں اور تکنیک کاروں کے ساتھ فلم کی بڑی مارکیٹ مل جائے گی۔مومنہ بتول نے کہا ہے کہ شوبز میں بھی میرٹ کے بجائے منظور نظر لوگوں کو نوازا جاتا ہے لیکن جولوگ سچی لگن اورمحنت کے ساتھ کسی شعبے کواپنا پروفیشن بناتے ہیں، انھیں کامیابی ضرورملتی ہے۔
مومنہ بتول نے کہا کہ ابتدا میں جب کوئی بریک تھرو نہ ملا تو کمپیئرنگ اور ماڈلنگ تک محدود رہنے کا فیصلہ کر لیا تھا۔ بھارت میں پاکستانی ٹی وی ڈراموں کا چینل کھولنے سے ہمارے فنکاروں کو فائدہ ہورہا تھا لیکن ان کی جانب سے فنکاروں پرپابندی لگانے کا اقدام انتہائی ناپسندیدہ ہے۔