کانزمیں پاکستانی فلم" جوائے لینڈ "کو بھرپور پذیرائی‘ شرکاءکے دل جیت لئے

کانزمیں پاکستانی فلم" جوائے لینڈ "کو بھرپور پذیرائی‘ شرکاءکے دل جیت لئے
کانزمیں پاکستانی فلم
سورس: Instagram/sarwatg

  

کانز (آئی این پی) فرانس میں دنیا کے قدیم ترین فلمی میلے کانز میں پاکستانی فلم "جوائے لینڈ" کو بھرپور پذیرائی‘ شرکا کے دل جیت لیے۔ دنیا کے قدیم ترین اور معتبرسمجھے جانے والے کانز فلم فیسٹول میں فیچرز فلموں کی کیٹیگری صرف 14 فلموں تک محدود ہوتی ہے جن میں "جوائے لینڈ" کا انتخاب اس لحاظ سے بھی نہایت اہمیت کا حامل ہے کہ یہ کانزمیں میں دکھائی جانے والی پہلی پاکستانی فیچرفلم ہے۔

آرٹسٹ سنیل شنکرنے انسٹاگرام پر ویڈیو شیئرکی جس میں فلم کی سکریننگ کے بعد کھڑے ہوکرتالیاں بجائی گئیں، ویڈیومیں صائم صادق کو اس اہم کامیابی پرجذباتی کیفیت میں دیکھاجاسکتا ہے۔

فلم کی نمایاں کاسٹ میں ثانیہ سعید، ثنا جعفری، علی جونیجو،علینہ خان، ثروت گیلانی ،راستی فاروق سمیت دیگرشامل ہیں، فلم کے پروڈیوسرسرمد کھوسٹ اور اپوروا چرن ہیں جبکہ موسیقی عبداللہ صدیقی نے ترتیب دی ہے۔

اداکارہ ثروت گیلانی نے پاکستانی پرچم کی کانز میں نمائندگی کو ایک خواب پورا ہونے کے مترادف قراردیا۔

مزید :

تفریح -