چیئر پرسن کی تعیناتی کیخلاف درخواست پر فریقین کو نوٹس، جواب طلب
لاہور(نامہ نگارخصوصی)لاہور ہائی کورٹ نے پنجاب یونیورسٹی کے شعبہ سوشل ورک میں میرٹ کے برعکس چیئر پرسن کی تعیناتی کیخلاف درخواست پر فریقین کو نوٹس جاری کرتے ہوئے 29 مئی کو جواب طلب کرلیا جسٹس ساجد محمود سیٹھی نے ڈاکٹر سیدہ مہناز حسن کی درخواست پر سماعت کی۔ دوران سماعت درخواستگزار کی طرف سے صفدر شاہین پیرزادہ ایڈووکیٹ پیش ہوئے اور موقف اختیار کیا کہ ڈاکٹر عظمیٰ عاشق کو میرٹ کے برعکس چیئر پرسن تعینات کیا گیا جبکہ وہ ابھی پروبیشن پر ہیں جس کی وجہ سے وہ اس عہدے پر تعینات ہونے کی اہل نہیں ہیں درخواست گزار کے وکیل نے عدالت کو بتایا کہ پرو وائس چانسلر نے سینڈیکیٹ کی میٹنگ میں غیر قانونی تعیناتی کی ایسی کوئی میٹنگ کو کال کرنا پرو وائس چانسلر کی جانب سے اختیارات سے تجاوز ہے درخواست گزار کے وکیل نے استدعا کی تعیناتی کالعدم قرار دی جانے۔
