نیب ملزم کا بینک اکاونٹ منجمد کی درخواست، چیف جسٹس برہم
اسلام آباد (مانیٹر نگ ڈیسک) نیب ملزم کے 48 ہزار 674 روپے کے بینک اکاو¿نٹس منجمد کرنے کی درخواست پر چیف جسٹس عمر عطاءبندیال نے برہمی کا اظہار کیا جس پر نیب نے کیس واپس لے لیا۔سپریم کورٹ میں نیب ملزم کے بینک اکاو¿نٹس منجمد کرنے کی درخواست پر سماعت ہوئی، چیف جسٹس آف پاکستان عمر عطاءبندیال اور جسٹس اطہر من اللہ پر مشتمل دو رکنی بینچ نے کسی کی سماعت کی۔دوران سماعت چیف جسٹس نے نیب پراسکیوٹر سے استفسار کیا کہ ملزم کے اکاو¿نٹس میں کتنی رقم ہے جو منجمد کرنی ہے؟، جس پر نیب پراسکیوٹر نے کہا کہ 48 ہزار 674 روپے کے بینک اکاو¿نٹ کے فریزنگ آرڈر درکار ہیں۔چیف جسٹس نے برہمی کا اظہار کرتے ہوئے کہا کہ یہ کیسا مذاق ہے، نیب اس وقت اختیار کا غلط استعمال کر رہا ہے، نیب کو ایک اختیار مل گیا جسے ہر جگہ استعمال کر رہا ہے، نیب صرف 48 ہزار روپے کے پیچھے پڑا ہوا ہے، 48 کروڑ ہوتے تو بات بھی تھی۔جسٹس اطہر من اللہ نے کہا کہ نیب شفاف کام نہیں کر رہا، نیب کو ایسی درخواست دائر نہیں کرنی چاہیے تھی، بعدازاں نیب نے درخواست واپس لے لی جس پر سپریم کورٹ نے کیس نمٹا دیا۔
چیف جسٹس
