سپریم کور ٹ کا صوبوں کو جیلوں سے متعلق رپورٹس ہائیکورٹس بھجوانے کا حکم
اسلام آباد (این این آئی) سپریم کورٹ نے صوبائی حکومتوں کو ملک بھر میں جیلوں کی حالت زار بہتر بنانے کے لیے جیلوں سے متعلق تازہ رپورٹس کو متعلقہ ہائیکورٹس بھجوانے کا حکم دے دیا چیف جسٹس عمر عطا ء بندیال کی سربراہی میں سپریم کورٹ کے 2رکنی بینچ نے ملک بھر میں جیلوں کی حالت زار سے متعلق کیس کی سماعت کی۔چیف جسٹس نے ریمارکس دیئے کہ جیلوں کے حالات کچھ اچھے نہیں ہے، جیلوں میں حد سے زیادہ قیدی رکھے گئے ہیں چیف جسٹس پشاور ہائیکورٹ نے صوبے کی جیلوں کا دورہ بھی کیا۔جسٹس عمر عطا بندیال نے کہا کہ اسلام آباد میں جیل بننے کا کئی سالوں سے سن رہے ہیں، اڈیالہ جیل میں بھی حد سے زیادہ قیدی ہیں، اچھی بات یہ ہے کہ اڈیالہ جیل میں صفای کا بہتر نظام ہے۔جسٹس اطہر من اللہ نے کہا کہ جیلوں میں بنیادی چیزوں پر بھی عملدرآمد نہیں ہو رہا، صوبائی حکومتوں کو متحرک کرنا ہوگا، یہ صوبائی معاملہ ہے، مزید جائزے کے لیے صوبائی ہائیکورٹس کو بھجوا دیتے ہیں۔عدالت نے صوبائی حکومتوں کو جیلوں کی حالت زار سے متعلق تفصیلات متعلقہ ہائیکورٹس بھجوانے کا حکم دیتے ہوے کہا کہ متعلقہ ہائیکورٹس جائزہ لے کر مزید احکامات جاری کریں۔
سپریم کورٹ
