اسلام آباد ہائیکورٹ نے اسد عمر کی گرفتاری کالعدم قرار دیدی,رہائی کا حکم

اسلام آباد (ڈیلی پاکستان آن لائن) تحریک انصاف کے رہنما اسد عمر کی گرفتاری اسلام آباد ہائیکورٹ نے کالعدم قرار دیتے ہوئے فوری رہا کرنے کا حکم سنا دیا۔

نجی ٹی وی ایکسپریس نیوز کے مطابق اسد عمر کی گرفتاری اور تفصیلات فراہمی سے متعلق کیس کی سماعت اسلام آباد ہائیکورٹ کے جسٹس میاں گل حسن اورنگزیب نے کی۔ اسد عمر کی جانب سے وکیل بابر اعوان پیش ہوئے۔ عدالت عالیہ نے دونوں جانب سے وکلا کے دلائل سننے کے بعد تھری ایم پی او کے تحت اسد عمر کی گرفتاری کالعدم قرار دیتے ہوئے رہا کرنے کا حکم دیا۔  

 جب زندگی آئی تو اس کی گود میں آرزو بھی آئی، آرزو نے آنکھ کھولی تو ایک دوسری دنیا تھی، اب اگر آرزو وہیں ختم ہو جاتی تو زندگی کا بچہ ہی مر جاتا اور زندگی بے ثمر ہوتی

عدالت نے اسد عمر کو ہدایت  کی کہ پرتشدد احتجاج کا حصہ نہ بننے سے متعلق بیان حلفی جمع کرائیں، بیان حلفی کی خلاف ورزی ہوئی تو اسد عمر سیاسی کیریئر بھول جائیں، عدالت نے اسد عمر کو ٹویٹس بھی ڈیلیٹ کرنے کی ہدایت کی۔