دہشت گردی کی جنگ سے چھٹکارا پا رہے ہیں ،لیفٹیننٹ جنرل عمر حیات

دہشت گردی کی جنگ سے چھٹکارا پا رہے ہیں ،لیفٹیننٹ جنرل عمر حیات

کراچی ( اسٹاف رپورٹر ) پاکستان آرڈی ننس فیکٹری کے چیئرمین لیفٹیننٹ جنرل عمر حیات نے کہا ہے کہ پاکستان دہشت گردی کی جنگ سے چھٹکارا پا رہا ہے ۔ ضرب عضب کے دوران فراہم کیا جانے والا اسلحہ پاکستان آرڈی ننس فیکٹری میں تیار کیا گیا ہے ۔ انہوں نے کہا کہ دو سال کے دوران پاکستان کی ایکسپورٹ میں 300گنا اضافہ ہوا ہے ۔ امریکی ریاستوں اور یورپی ممالک سمیت 40 ممالک کو اسلحہ ایکسپورٹ کر رہے ہیں ۔ انہوں نے کہا کہ ہم نے گزشتہ روز دو نئے ویپن کی نمائش کی تھی ۔ عمر حیات نے کہا کہ ایگزیبیشن میں ہمارے اپنے اسلحہ کی نمائش سے مدد ملے گی ۔ عمر حیات نے کہا کہ پاکستان آرڈی ننس فیکٹری میں ہر طرح کا اسلحہ تیار ہوتا ہے ۔ آئیڈیاز 2016 میں 6 سے 7 ایم او یو اور معاہدوں پر دستخط ہوں گے ۔

مزید : راولپنڈی صفحہ آخر