ستمبر کے دوران بڑی صنعتوں کی پیداوار میں 2فیصد اضافہ

ستمبر کے دوران بڑی صنعتوں کی پیداوار میں 2فیصد اضافہ

  



 اسلام آباد (اے پی پی) بڑی صنعتوں کی پیداوار میں ستمبر کے دوران 1.92 فیصد اضافہ ریکارڈ کیا گیا۔ پاکستان بیورو برائے شماریات کے مطابق اگست کے مقابلے میں ستمبر کے دوران بڑی صنعتوں کی پیداوار میں 1.92 فیصد اضافہ ریکارڈ کیا گیا، تاہم گزشتہ سال ستمبر کے مقابلے میں بڑی صنعتوں کی پیداوار میں 5.63 فیصد کمی ریکارڈ کی گئی۔ جولائی سے ستمبر تک کے عرصہ کے دوران ٹیکسٹائل، فرٹیلائزر، چمڑے کی مصنوعات، الیکٹرانکس اور انجینئرنگ مصنوعات کی پیداوار میں بالترتیب 0.17، 15.94، 4.24، 5.51 اور 12.54 فیصد اضافہ ریکارڈ کیا گیا۔ اسی طرح ربڑ کی پیداوار میں اضافہ کی شرح 2.29 فیصد ریکارڈ کی گئی۔ اعداد و شمار کے مطابق خوراک، مشروبات اور تمباکو کی پیداوار میں 8 فیصد کمی ریکارڈ کی گئی۔ اسی طرح پٹرولیم مصنوعات، فارما مصنوعات اور کیمیکل کی پیداوار میں بالترتیب 14.48، 11.95 اور 8.93 فیصد کمی ریکارڈ کی گئی۔

مزید : کامرس /رائے