وزیراعظم قوم کو سی پیک پر اعتماد میں لیں

اے این پی کے مرکزی رہنما غلام احمد بلور نے کہا ہے ہم وزیراعظم پاکستان سے مطالبہ کرتے ہیں وہ قوم کو سی پیک منصوبہ پر ٹی وی پر آکر بتا ئیں اس منصوبے کی تکمیل کہاں تک پہنچی ہے اور میں کیا رکاوٹیں ہیں اور امریکہ اس منصوبے کی تکمیل کی راہ میں کیوں روڑے اٹکا رہا ہے۔ ایشو آف دی ڈے میں اظہار خیال کرتے ہوئے ان کا کہنا تھا جب سے وزیراعظم ٹرمپ سے ملکر آئے ہیں تواس کے بعد سے امریکہ پاکستا ن پر نت نئے الزامات لگاتا نظر آرہاہے۔ مقبوضہ کشمیر کا سٹیٹس تبدیل کروانے میں امریکہ بھارت کے پیش پیش تھا،اب وہ سی پیک پر الزامات لگانا شروع ہو گیا ہے، امریکہ کے الزامات میں کوئی صداقت نہیں،اسلئے اس کی باتوں میں نہ آ جائے، اس کی بر وقت تکمیل کو یقینی بنایا جائے ہم اس ایشو پر حکومت کیساتھ کھڑے ہیں۔
غلام بلور