پی ٹی آئی حکومت سی پیک پر خاموشی توڑے

پاکستان پیپلز پارٹی کی مرکزی رہنما شیری رحمان نے کہا ہے یہ ضروری ہے حکومت سی پیک جیسے پاکستان کے ایک اہم منصوبہ کی تکمیل کے حوالے سے قوم کو اور پارلیمنٹ کو آگاہ کرے،منصوبہ پیپلز پارٹی کے سربراہ و سابق صدر مملکت آصف زرداری نے تمام تر مخالفتوں کے باوجو د شروع کروایا،جب سے پی ٹی آئی کی حکومت آئی ہے تومنصوبہ پر مکمل خاموشی ہے۔وہ ایشو آف دی ڈے میں گفتگو کررہی تھیں،انہوں نے کہا اس خاموشی کے بارے میں قوم کو بتانا ہو گا اس کے پیچھے کیا کہانی ہے، امریکہ کیونکرمنصوبے کو پاکستان کی معاشی ترقی کا دشمن قرار دے رہا ہے حالانکہ یہ منصوبہ تو پاکستان کی معاشی ترقی کیلئے ایک شہ رگ کا مقام رکھتا ہے، حکومت اس کی تکمیل کرے ہم اس اہم قومی نوعیت کے منصوبے کی بروقت تکمیل یقینی بنانے کیلئے حکومت کے شانہ بشانہ کھڑے ہیں۔
شیری رحمان