ستاروں کی روشنی میں آپ کا آج (منگل) کا دن کیسا رہے گا؟
برج حمل ، سیارہ مریخ، 21 مارچ سے 20 اپریل
زائچہ اپنی پوزیشن کو بدل رہا ہے ان حالات میں آپ کو نہایت سمجھداری سے کام لینا ہوگا اور ہر معاملے پر گہری نظر رکھنا بھی ضروری ہے۔ اس لئے بے وقوفی بالکل نہیں کرنی۔
برج ثور، سیارہ زہرہ، 21 اپریل سے 20 مئی
جو لوگ کسی بھی دوست یا عزیز کے ساتھ ملکر کام کرنا چاہتے ہیں وہ ابھی صبر سے کام لیں اس وقت ایسا کرنا بہتر نہیں ہے۔ آپ کو خبردار کیا جا رہا ہے اپنے مال کی حفاظت کریں۔
برج جوزہ، سیارہ عطارد، 21 مئی سے 20 جون
کسی بھی معاملے میں پریشان نہ ہوں۔ آپ بحکم اللہ مشکلات سے نکلنا شروع ہو گئے ہیں اگلے دو تین یوم میں مکمل طور پر اس سے آزاد ہوں گے۔ آج کا دن اہم خوشخبری دے رہا ہے۔
برج سرطان، سیارہ چاند، 21 جون سے 20 جولائی
قرض وغیرہ کے حوالے سے ابھی معاملات ٹھیک نہیں ہیں آپ کو تھوڑا سا انتظار کرنا ہوگا اور کوشش کرنی ہے کہ اب کسی سے وعدہ نہ کیا جائے۔ آج قدرے مخالفت کا سامنا بھی ہے۔
برج اسد، سیارہ شمس، 21 جولائی سے 21 اگست
آپ دوسروں پر ضرورت سے زیادہ انحصار کرتے ہو جو کہ خرابی ظاہر کر رہا ے صرف اور صرف اللہ پاک پر بھروسہ کر کے خود قدم اٹھائیں ان شاءاللہ کامیابی ملے گی مگر صبر و تحمل سے۔
برج سنبلہ ، سیارہ عطارد، 22 اگست سے 22 ستمبر
جب تک آپ اپنی غلطیوں کی اصلاح نہیں کرتے معاملات بھی ٹھیک نہیں ہوں گے آپ کو وارننگ ہے کہ یہ جلد سے جلد کریں۔ تمام حالات کا از سر نو جائزہ لیں گے خود ہی بات سمجھ میں آ جائے گی۔
برج میزان ، سیارہ زہرہ، 23 ستمبر سے 22 اکتوبر
آج بھی بدنظری کی کیفیت نمایاں ہو رہی ہے شاید آپ کا خون ہلکا ہے اس لئے بہت جلد پکڑ میں آ جاتے ہیں۔ آج کا دن صدقہ دینے اور کالے ماش سے نظر اتارنے کا ہے۔
برج عقرب ، سیارہ مریخ، 23 اکتوبر سے 22 نومبر
اپنے رزق کے حصول کے معاملات چیک کریں کسی جگہ پر کوئی ناجائز قسم کا سلسلہ تو نہیں ہے۔ اگر ایسا ہے تو اللہ پاک سے فوری توبہ کریں اور ابھی استخارے کی مدد سے چلیں۔
برج قوس ، سیارہ مشتری، 23 نومبر سے 20 دسمبر
جو بھی حالات خراب ہو رہے ہیں وہ کسی لالچ کی وجہ سے بھی ہو سکتے ہیں آپ کو چاہئے کہ اپنے دل کی صفائی کریں اور حقوق العباد کے حوالے سے خاص طور پر معاملات کو چیک کریں۔
برج جدی ، سیارہ زحل، 21 دسمبر سے 19 جنوری
اپنے آپ کو مشکل میں نہ ڈالیں غلط راستے کا انتخاب اس کی سب سے بڑی وجہ ہے آپ کو ابھی درست سمت کا اندازہ نہیں ہو رہا اگر مشکل ہے تو آپ استخارے کی مدد لیں۔
برج دلو ، سیارہ زحل، 20 جنوری سے 18 فروری
آج کا دن صحت کا صدقہ دینے کا ہے اور کچھ اضافی ذمہ داریوں کا بوجھ بھی برداشت کرنا پڑے گا اور نا چاہتے ہوئے بھی وہ کام کرنا پڑے گا جو وجہ عزت کا سبب ہے۔
برج حوت ، سیارہ مشتری، 19 فروری سے 20 مارچ
آپ ایک اہم معاملے سے نکلنے میں کامیاب ہو رہے ہیں اور جس نے بھی صرف اپنے رب کو پکارا وہ کبھی بھی مایوس نہیں ہوا جب تک نیت صاف رہے گی معاملات ٹھیک رہیں گے۔