کورونا وبا کی دوسری لہر، وزیر اعظم نے اہم فیصلوں کیلئے آج اجلاس طلب کرلیا
اسلام آباد(ڈیلی پاکستان آن لائن) کورونا وائرس کی صورت حال پر قومی رابطہ کمیٹی کا اجلاس آج طلب کیا گیا ہے جس میں کاروباری مراکز کے اوقات کار سے متعلق اہم فیصلے متوقع ہیں۔
وزیر اعظم نے گزشتہ روز کورونا وائرس کی صورتحال پر قومی رابطہ کمیٹی کا اجلاس طلب کیا۔ آج ہونے والے اجلاس میں کاروباری مراکز کے اوقات کار اور شادی ہالز سے متعلق اہم فیصلے متوقع ہیں۔ علاوہ ازیں قومی رابطہ کمیٹی تعلیمی اداروں کی بندش کے حوالے سے این سی او سی کی سفارشات اور وزرائے تعلیم کانفرنس کے فیصلوں کی توثیق بھی کرے گی۔