لاہور میں 105 چالان کروانے والی گاڑی پکڑی گئی

لاہور میں 105 چالان کروانے والی گاڑی پکڑی گئی
لاہور میں 105 چالان کروانے والی گاڑی پکڑی گئی

  

لاہور(ڈیلی پاکستان آن لائن) لاہور میں 105 ای چالان کروانے والی نادہندہ گاڑی پکڑی گئی۔

نجی ٹی وی اے آر وائی نیوز کے مطابق سیف سٹی کیمروں کی مدد سے گنگا رام ہسپتال لاہور کے قریب سے 105 ای چالان والی نادہندہ گاڑی پکڑی گئی، گاڑی کے مالک پر چالان کی رقم 50 ہزار 300 روپے واجب الادا ہیں۔

ترجمان سیف سٹیز اتھارٹی کے مطابق اتھارٹی کی نشاندہی پر وارڈنز نے گاڑی کو تھانہ مزنگ میں بند کروادیا،ترجمان کا کہنا ہے کہ گاڑی کے مالک کے ذمہ کل واجب الادا رقم 50 ہزار 300 روپے ہے۔

واضح رہے کہ ای چالان نادہندہ گاڑیوں کےخلاف سیف سٹیز اور ٹریفک پولیس کی مشترکہ کارروائیاں جاری ہیں، 5 یا زائد ای چالان نادہندہ گاڑی کے مالکان کو ایس ایم ایس کے ذریعے آگاہ کیا جارہا ہے۔چیف ٹریفک آفیسر نے شہریوں سے درخواست کی کہ وہ قوانین کی پاسداری کریں۔

یاد رہے کہ گزشتہ دنوں لاہور میں سیف سٹی اتھارٹی نے نادہندگان کو ای چالان ایس ایم ایس کے ذریعے بھیجنے کا آغاز کیا تھا۔سیف سٹی اتھارٹی کی نشاندہی پر لاہور میں 83 ای چالان والی نادہندگاہ گاڑیاں پکڑی گئی تھی، ان 83 گاڑیوں کے مالکان کے ذمے واجب الادا کل رقم 41 ہزار 300 روپے ہے۔

مزید :

علاقائی -پنجاب -لاہور -