نئی ٹی ٹوئنٹی رینکنگ، رضوان کی ایک درجہ ترقی، بابر کا بدستور پہلا نمبر
دبئی (ویب ڈیسک) پاکستان اور بنگلا دیش کے درمیان ٹی ٹوئنٹی سیریز کے بعد آئی سی سی نے کھلاڑیوں کی نئی ٹی ٹوئنٹی رینکنگ جاری کر دی ہے۔
آئی سی سی ٹی ٹوئنٹی پلیئرز رینکنگ کے مطابق پاکستان کرکٹ ٹیم کے کپتان بابراعظم کی پہلی پوزیشن برقرار ہے تاہم ان کے ریٹنگ پوائنٹس 839 سے کم ہو کر809 ہو گئے ہیں۔
کھلاڑیوں کی نئی رینکنگ کے مطابق انگلینڈ کے ڈیوڈ ملان 805 ریٹنگ پوائنٹس کے ساتھ دوسرے نمبر پر ہیں جبکہ جنوبی افریقا کے ایڈن مارکرم کی تیسری پوزیشن بھی برقرار ہے۔
↗️ Rizwan, Rahul move up one spot
— ICC (@ICC) November 24, 2021
↗️ Guptill back in top 10
Some notable changes in this week's @MRFWorldwide ICC Men's T20I Player Rankings ????
Full list: https://t.co/uR3Jx2jJ5V pic.twitter.com/f5JDnWLrFa
پاکستان کے محمد رضوان ایک درجہ بہتری کے بعد چوتھے نمبر پر آ گئے ہیں جبکہ پاکستان کے فخر زمان کا رینکنگ میں 35 واں نمبر ہے۔
بولرز کی رینکنگ میں سری لنکا کے ونندو ہسارنگا کا پہلا نمبر برقرار ہے جبکہ دوسرے، تیسرے اور چوتھے نمبر پر بالترتیب تبریز شمسی، ایڈم زمپا اور عادل راشد موجود ہیں۔
پاکستان کے شاہین شاہ آفریدی ایک درجہ تنزلی کے بعد رینکنگ میں 11 ویں نمبر پر چلے گئے ہیں جبکہ شاداب خان بھی دو درجے تنزلی کے بعد 14 ویں نمبر پر آ گئے ہیں۔