پی ٹی آئی نے دھرنے کیلئے مسلح افرادکی خدمات حاصل کرلیں،انٹیلی جنس رپورٹ

پی ٹی آئی نے دھرنے کیلئے مسلح افرادکی خدمات حاصل کرلیں،انٹیلی جنس رپورٹ

  

لاہور(آئی این پی) انٹیلی جنس اداروں نے پاکستا ن تحریک انصاف کے دھرنے میں مسلح افراد کی کرائے پر خدمات حاصل کرنے سے متعلق رپورٹ حکومت کو پیش کر دی ۔اتوار کے روز میڈیا رپورٹس میں دعویٰ کیا گیا ہے کہ آئی بی اور سپیشل برانچ نے رپورٹ حکومت کو پیش کر دی ہے جبکہ رپورٹس کی نقول وزارت داخلہ کو بھی بھجوا دی گئیں ہیں ۔خفیہ اداروں کی رپورٹ میں کہا گیاہے کہ پاکستان تحریک انصاف کے دھرنے میں مسلح افراد کی خدمات کرائے پر حاصل کرلی گئیں ہیں جوکہ اسلام آباد کے مختلف علاقوں میں توڑ پھوڑ کریں گے اور ان سے نمٹنے کیلئے حکمت عملی مرتب کی جائے ۔رپورٹ میں مسلح افراد کی خدمات حاصل کرنے والے اراکین صوبائی اسمبلیوں کے نام بھی شامل ہیں ۔رپورٹ میں کہا گیاہے کہ خیبر پی کے اور پنجاب سے 1000مسلح افراد کی خدمات حاصل کی گئیں ہیں ۔

مزید :

صفحہ اول -