پارا چنار ،سردیوں کی آمد کیساتھ ہی بجلی کی ناروا لوڈشیڈنگ ،کاروبار ٹھپ
پاراچنار( نمائندہ پاکستان)سردیوں کی آمد کے ساتھ ہی پاراچنار سمیت ضلع کرم میں بجلی کی بد ترین لوڈ شیڈنگ شروع ہوگیا، گھریلو صارفین اور کاروباری لوگ شدید مشکلات کا شکار ، ظالمانہ لوڈ شیڈنگ ختم کرنے کا مطالبہ پاراچنار سمیت ضلع کرم میں موسم سرما کے آمد کے ساتھ ہی بجلی غائب ہونا شروع ہوگیا بجلی کی بدترین لوڈ شیڈنگ نے معمولات زندگی درہم برہم کرکے رکھ دیا ہے گھریلو صارفین کے ساتھ ساتھ بجلی سے وابستہ کاروباری لوگ اور سمال انڈسٹریز بری طرح متاثر ہوگئی ہیں بجلی کے غیر اعلانیہ لوڈ شیڈنگ کے باعث شہر کے متعدد ٹیوب ویلز بھی بند پڑے ہیں جس کی وجہ سے لوگوں کو پانی کے حصول میں بھی شدید مشکلات کا سامنا ہے اور لوگ دور دراز علاقوں سے پانی لارہے ہیں دیہی علاقوں میں تین تین دنوں تک بجلی غائب رہتی ہے جبکہ شہریوں کا کہنا ہے کہ بجلی بلوں کی ادائیگی کے باوجود بائیس گھنٹے بجلی بند ہوتی ہے شہریوں کا کہنا ہے کہ ان کا خیال تھا کہ خیبر پختون خوا میں انضمام کے بعد انہیں بجلی کے مسائل سے چھٹکارا مل جائے گا مگر انضمام کے بعد بجلی کا بحران مزید بڑھ گیا ہے علاقے کے عوام نے متعلقہ حکام سے بجلی کے ناروا لوڈ شیڈنگ کے خاتمے کا مطالبہ کیا ہے اور لوڈ شیڈنگ نہ ختم کرنے کی صورت میں احتجاج کا اعلان کیا ہے
