پی ٹی آئی کے ناقص طرز حکمرانی سے ہر خاص و عام کی زندگی مشکل ہوچکی

پیپلز پارٹی کے مرکزی رہنما مولا بخش چانڈیو نے کہا ہے کہ حکومت ابھی تک بھی تذبذب کا شکار ہے اور ابھی تک بھی کوئی فیصلہ نہیں کر پارہی ہے کہ اس نے آئی ایم ایف کے پاس جانا ہے کہ نہیں حکومت نے یوٹرن لینے کا سلسلہ ابھی تک بھی ختم نہیں کیا ہے صبح ان کا اور بیان ہوتا ہے تو شام کے وقت حکومت کا اور موقف ہوتا ہے ۔ایشو آف دی ڈے میں اظہار خیال کرتے ہوئے ان کا کہنا تھا کہ ہم تو پہلے دن سے ہی یہ کہتے چلے آرہے ہیں کہ حکومت کرنا ان کے بس کی بات نہیں ہے یہ ملک چلانا ان کے بس کی بات نہیں یہی بات ہمارے قائد آصف علی زرداری نے بھی کی ہے لیکن یہ سچی بات پی ٹی آئی کو بڑی بری لگی ہے آج پی ٹی آئی کے ناقص طرز حکمرانی سے ہر خاص و عام کی زندگی مشکل بن چکی ہے۔