سکھر میں بچے کی فحش ویڈیو بنانے میں ملوث 4 ملزمان گرفتار

سکھر(ڈسٹرکٹ رپورٹر) ایف آئی اے سائبر کرائم زون سندھ نے کراچی اور سکھر میں کارروائیاں کرتے ہوئے خاتون سمیت 6 ملزمان کو گرفتار کرلیا۔ایڈیشنل ڈائریکٹر سائبر کرائم ایف آئی اے عمران ریاض نے بتایا کہ سکھر سے چائلڈ پورنوگرافی میں ملوث 4ملزمان محمد قاسم، ہیبت خان، شاہد حسین اور فراز شیخ کو گرفتار کیا گیا۔ملزمان نے کم عمر لڑکے کو بداخلاقی کا نشانہ بنایا اور ویڈیو بنائی جو وائرل کی، ملزمان اس بچے کی ویڈیو پر مقامی گلوکار کو بدنام کرنے میں بھی ملوث ہیں۔دوسری کارروائی میں کراچی سے لڑکی کو بدنام،ہراساں اور بلیک میل کرنے میں ملوث بھائی بہن سید عادرش بخاری اور سیدہ دانیہ شاہ کو گرفتار کیا گیا۔ ملزم عادرش اپنی سابقہ اہلیہ پر تشدد اور نازیبا ویڈیو بنانے میں ملوث ہے۔ ملزمہ دانیہ نازیبہ تصاویر اور ویڈیوز سوشل میڈیا پر شیئر کرتی تھی۔