" جب مصباح الحق نے شاٹ کھیلا تو یووراج سنگھ نے منہ پھیر لیا  اور ۔ ۔۔ "روہت شرما نے 2007 ورلڈکپ فائنل کے لمحات کی دلچسپ کہانی سنادی

" جب مصباح الحق نے شاٹ کھیلا تو یووراج سنگھ نے منہ پھیر لیا  اور ۔ ۔۔ "روہت ...
سورس: Twitter/@ImRo45

  

نئی دہلی (ویب ڈیسک) بھارتی اوپنر روہت شرما نے انٹرنیشنل کرکٹ کونسل (آئی سی سی) کے 2007  میں ہونے والے پہلے ٹی ٹوئنٹی ورلڈکپ کے فائنل کے دلچسپ لمحات کی کہانی سنادی۔

جیو نیوز کے مطابق روہت شرما نے بتایا کہ جب مصباح الحق نے شاٹ کھیلا تو یووراج سنگھ نے منہ پھیر لیا تھا،  یووراج سنگھ کو ڈر تھا کہیں فیلڈ پر موجود سری سانتھ کیچ ڈراپ نہ کردے،  فائنل میں مصباح الحق کا کیچ سری سانتھ کی زندگی کا سب سے اہم کیچ تھا۔

روہت شرما کا کہنا تھا کہ جوہانسبرگ کا نیوٹرل مقام بھی پاک بھارت فینز سے بھرا ہوا تھا، مجھے پہلی بار اندازہ ہوا تھا کہ پاک بھارت میچ کا ماحول کیا ہوتا ہے۔

واضح رہے کہ 2007 میں آئی سی سی کے ٹی ٹوئنٹی کے پہلے ورلڈ کپ کا فائنل پاکستان اور بھارت کے درمیان کھیلا گیا تھا۔

مزید :

کھیل -