کیا آپ تیار ہیں ؟، پاکستان میں موجود برطانوی ہائی کمشنر کا بھارت میں موجود برطانوی ہائی کمشنر کیلئے ٹویٹ 

کیا آپ تیار ہیں ؟، پاکستان میں موجود برطانوی ہائی کمشنر کا بھارت میں موجود ...
کیا آپ تیار ہیں ؟، پاکستان میں موجود برطانوی ہائی کمشنر کا بھارت میں موجود برطانوی ہائی کمشنر کیلئے ٹویٹ 

  

اسلام آباد ( ڈیلی پاکستان آن لائن ) پاک بھارت کرکٹ میچ کے دیوانے صرف ان دونوں ملکوں کے عوام ہی نہیں بلکہ پاکستان میں موجود برطانئی ہائی کمشنر کرسچن ٹرنر اور بھارت میں موجود برطانوی ہائی کمشنر ایلکس الیز بھی ہیں ۔

ٹی 20ورلڈ کپ میں آج پاکستان اور روایتی حریف بھارت میدان میں اتریں گے ، پاکستان میں موجود برطانوی ہائی کمشنر نے بھارت میں موجود برطانوی ہائی کمشنر کو سماجی رابطے کی ویب سائٹ ٹویٹر پر مخاطب کرتے ہوئے پوچھا کہ ایلکس الیز کیا آپ مہا مقابلے کیلئے تیار ہیں ، مجھے یقین ہے کہ پاک بھارت ٹاکرا ٹی 20ورلڈ کپ کے شائقین کیلئے ایک زبردست مقابلہ ہوگا۔

بھارت میں موجود برطانوی ہائی کمشنر ایلکس الیز نے بھی فوراً ٹویٹر پر جواب دیتے ہوئے کہا کہ میں مقابلے کا شدت سے منتظر ہوں کرسچن ٹرنر ، مزہ آئے گا، یہ دنیا میں کھیلوں کے زبردست مقابلوں میں سے ایک ہوگا ۔ 

ایلکس نے ساتھ ہی بھارتیوں سے پوچھا کہ انڈین فینز ، کوئی خاص تیار ہے ؟۔

مزید :

بین الاقوامی -T20 World cup -T20 World cup News Updates -