پاکستان ایسوسی ایشن دبئی میں آؤٹ ڈور کرکٹ ٹورنامنٹ   کی کِٹ لانچنگ اور ٹرافی کی رونمائی  ، کھلاڑیوں اور سپانسرز  کی  شرکت 

دبئی (طاہر منیر طاہر) پاکستان ایسوسی ایشن دبئی میں محنتی   پیڈ آؤٹ ڈور کرکٹ ٹورنامنٹ   کی کِٹ لانچنگ اور ٹرافی کی رونمائی کی تقریب منعقد کی گئی۔ اس پروگرام کے گولڈ سپانسر  محمد علی محنتی نے پاکستان ایسوسی ایشن کی انتظامیہ کا شکریہ ادا کیا ۔ محنتی آ وٹ ڈور ٹورنامنٹ کے گولڈ سپانسر ٹیم کے ممبر میں محمد اریب محنتی اور محمد خضر محنتی نے بھی شرکت کی اور شرکاء کا شکریہ ادا کیا ۔ٹورنامنٹ کے سلور سپانسر اور بزنس مین ڈیلما ٹرانسپورٹ کے مالک مقبول اسلام نے بھی شرکت کی اور پاکستان ایسوسی ایشن دبئی کی انتظامیہ کا شکریہ ادا کیا ۔
دبئی (PAD) کے آڈیٹوریم میں آئندہ ہونے والے  محنتی   پیڈ آؤٹ ڈور کرکٹ ٹورنامنٹ سیزن3 کے سلسلے میں ایک رنگا رنگ تقریب منعقد کی گئی، جس میں ٹورنامنٹ کی کِٹ لانچنگ اور فاتح ٹرافی کی رونمائی کی گئی۔ اس موقع پر شائقین اور کھلاڑیوں کی بڑی تعداد موجود تھی۔
تقریب میں ٹورنامنٹ کی تمام تر تفصیلات بتائی گئیں- جس میں کِٹ کی باقاعدہ نقاب کشائی، میچوں کا مکمل شیڈول، شریک ٹیموں کی گروپ بندی اور چمکتی دمکتی ٹرافی کی رونمائی شامل تھی۔ اس ٹورنامنٹ میں کل سولہ ٹیموں نے حصہ لیا اور  تمام ٹیم کپتانوں نے اپنی اپنی شرٹ کے ساتھ تصویریں بھی بنوائیں۔ 
اس پروقار تقریب میں پاکستان ایسوسی ایشن دبئی کے جنرل سیکریٹری زاہد حسن اور سپورٹس کمیٹی کے سربراہ نعیم رسول نے خصوصی شرکت کی۔ زاھد حسن نے پاکستان ایسوسی ایشن کا تعارف کروایا اور معزز مہمانوں اور تمام سپانسرز  کا شکریہ ادا کیا۔
ٹورنامنٹ کے سرپرستوں اور سپانسرز میں محمد علی محنتی، اریب محنتی ، خضر محنتی ، بدر ، محمد آصف بشیر ، فیصل سنکا،  راجا واجد کبیر ، نیر حنیف،  ھماج گوندل، سیدہ صوبیہ زیدی ، میاں عدنان لطیف، راجہ علی شان اور مقبول اسلام شامل تھے۔ ان کے علاوہ تمام شریک ٹیموں کے کپتانوں نے بھی شرکت کو یقینی بنایا۔ 

پروگرام کی میزبانی اور تنظیم کے فرائض عبدالباسط نے بطریق احسن ادا کئے  جنہوں نے تمام معزز سپانسرز اور ٹیم کپتانوں کو سٹیج پر مدعو کیا۔
تقریب کا ایک اہم حصہ پینل ڈسکشن سیگمنٹ تھا، جسے ٹورنامنٹ کے آرگنائزر بلال بابر نے ہوسٹ کیا۔ پینل میں متحدہ عرب امارات (UAE) کی کرکٹ سے وابستہ کئی معروف شخصیات شامل تھیں، جن میں راجہ علی شان، رضوان شریف، عمر جادو گر ، آصف بلا، علی لیو، اور یاسر صدیقی شامل تھے۔ بلال بابر نے مہمانوں سے کرکٹ اور ٹورنامنٹ کے حوالے سے کئی دلچسپ اور معلوماتی سوالات کیے۔ سب نے اس معلوماتی سیگمنٹ کو بہت پسند کیا ۔
آخر میں، پاکستان ایسوسی ایشن دبئی سپورٹس کمیٹی کے سربراہ نعیم رسول نے تمام سپانسرز کی خدمات کے اعتراف میں انہیں یادگاری شیلڈز پیش کیں اور ان سب کا شکریہ ادا کیا۔ اس کے ساتھ ہی، ٹورنامنٹ کی خوبصورت ٹرافی کی رونمائی ہوئی اور کامیاب تقریب اپنے اختتام کو پہنچی۔ یہ ٹورنامنٹ دبئی میں کرکٹ کے شائقین کے لیے ایک بہترین تفریح کا ذریعہ ثابت ہوگا۔
سپورٹس کمیٹی کے رضاکاروں میں عبدلواثق ، وقاص احمد وکی ، عرفات،محمد حارث، وسیم حیدر، عمر شیخ عبدا لباسط، حافظ مبشر قادری ، راو وقاص ،افضال سرویا ، معاذ بن راشد، میاں اکمل ، لیا قت عزیز ،یوسف ابوالخیر  ڈاکٹر سکندر ، ہاشم خان، جلیل خان، اشتیاق احمد ، محمد احسن بھی تقریب میں موجود تھے-