طارق فضل چودھری کی عمران خان کو بنی گالا منتقلی کی پیشکش ایک بھونڈا مذاق ہے،مشال یوسفزئی

پشاور (ڈیلی پاکستان آن لائن) پی ٹی آئی رہنما اور سینیٹر مشال یوسفزئی کا کہنا ہے طارق فضل چودھری صاحب کی بنی گالا منتقلی کی پیشکش ایک بھونڈا مذاق ہے ۔ عمران خان صاحب غیر قانونی طور پر پابند سلاسل ہے لیکن وہ قانونی طور پر ہی اڈیالہ سے باہر آئیں گے۔

ایکس پر جاری بیان میں انہوں نے کہا طارق فضل چودھری صاحب کی اطلاع کے لیے عرض ہے کہ اگر انہوں نے اس بات کو پرکھنا ہے کہ انکی فارم 47 کی حکومت کے ہاتھوں میں کتنا اختیار ہے تو عمران خان صاحب نے خود بشری بی بی کے لیے عدالت سے کہا ہے اور ہم نے تحریری درخواست دی ہے کہ بشری بی بی کا جیل کلاس identitfy کرے کیونکہ وہ ایک سابق وزیر اعظم کی بیوی ہے جن کے شوہر کو 2024 میں بھی 25 کروڑ نے اپنا منڈیٹ دیا ہے جو آپ لوگوں نے چوری کرلیا ہے۔

مشال یوسفزائی نے لکھا نصرت بھٹو صاحبہ اور بینظیر بھٹو صاحبہ سے لے کر بیگم کلثوم نواز صاحبہ اور مریم نواز تک سب کو جیل میں بی کلاس دی گئی تھی لیکن بشری عمران خان صاحبہ کو اس وقت عام قیدیوں سے بھی بدتر طریقے سے رکھا گیا ہے ، انکے کپڑے نہیں دینے دیے جاتے ، ٹی وی بند ، یہاں تک کے زمین پر بچھانے والا لکڑی کا ایک جائے نماز تک انکو نہیں دِیا جارہا کیونکہ انکا پاؤں زخمی تھا ، انکو انکے ڈاکٹرز سے چیک اپ کروانے تک کی اجازت نہیں مل رہی ، آئی جی جیل خانہ جات پنجاب کے پاس وہ درخواست موجود ہے جو ہمارے وکیل ظہیر عباس صاحب کی جانب سے دی گئی ہے ، لیکن مہینے گزر گئے آگے سے آئی جی صاحب کہہ رہے ہیں میں اس پر کوئی کاروائی نہیں کر سکتا ۔ تو یہ ہے آپ کی حکومت کی اصلیت ۔

طارق فضل چوہدری صاحب کی بنی گالا منتقلی کی پیشکش ایک بھونڈا مذاق ہے ۔ عمران خان صاحب غیر قانونی طور پر پابند سلاسل ہے لیکن وہ قانونی طور پر ہی اڈیالہ سے باہر آئینگے ۔ انکی اطلاع کے لیے عرض ہے کہ اگر انہوں نے اس بات کو پرکنا ہے کہ انکی فارم 47 کی حکومت کے ہاتھوں میں کتنا اختیار ہے…

— Mashal Yousafzai???????? (@AkMashal) October 24, 2025