پولیوویکسی نیشن سے انکاردراصل بچوں کے بہتر مستقبل سے انکار ہے: وزیر اعلیٰ پنجاب

لاہور ( ڈیلی پاکستان آن لائن )وزیراعلیٰ پنجاب مریم نوا ز نے ورلڈ پولیو ڈے پراپنے پیغام میں کہا ہے کہ پولیو کے 100فیصد خاتمے کا ہدف ہم سب کا مشن ہے۔پولیو کے 100فیصد خاتمے سے ہی بچوں کی صحت کو یقینی بنایا جا سکتا ہے۔ پولیو سے مکمل نجات کا ہدف حاصل کرنے کے لئے عوام کا بھرپور تعاون ضروری ہے۔

 وزیراعلیٰ مریم نواز  نے کہا کہ پولیوویکسی نیشن سے انکاردراصل بچوں کے بہتر مستقبل سے انکار ہے۔ پولیو ورکر قوم کے ہیرو ہیں، خدمات کی قدر کرتے اورسلام پیش کرتے ہیں۔ انسداد پولیو ویکسین محفوظ اور مؤثر ہے جو پولیو سے بچاؤ کے لیے ضروری ہے۔