پاکستان کی مسلح افواج نے چینی فوج کیساتھ مل کر ایسا کام کردیا کہ بھارت کی ہوائیاں اڑادیں
بیجنگ (ڈیلی پاکستان آن لائن)پاکستان اور چین کی دوستی کسی سے ڈھکی چھپی نہیں اور دونوں ممالک اس دوستی پر فخر بھی کرتے ہیں لیکن کئی بھارت سمیت کئی ممالک کو یہ دوستی کھٹکتی ہے ، ایک مرتبہ پھر پاکستان اور چین کھل کر میدان میں آئے اور دونوں ممالک کی مسلح افواج نے مشترکہ ہوائی مشقیں جاری ہیں جو سات ستمبرسے شروع ہوئی تھیں اور 27ستمبرتک جاری رہیں گی، پاکستان اور چین کے پائلٹ پاکستانی لڑاکا طیارے میں بیٹھ گئے جن کی تصویربھی سامنے آگئی ۔
تفصیل کے مطابق چین کے کورلا ائیر بیس پر پاک فضائیہ اور چینی فضائیہ کی مشترکہ ہوائی مشق شاہینVI کامیابی کیساتھ جاری ہیں، پاک فضائیہ کا دستہ پائلٹس، ائیر ڈیفنس کنٹرولرز اور تکنیکی عملے پر مشتمل تھا۔
ان مشقوں میں پاک فضائیہ کے جے ایف 17 تھنڈر، میراج اور ایف سیون پی جی اورZDK طیاروں کے علاوہ پیپلزلبریشن آرمی ائےرفورس کےJ-8, J-11, JH-7 اور KJ-200 AWACSطیاروں نے حصہ لیا۔
ان مشقوں کے دوران ایک ہی طیارے میں دونوں ممالک کے پائلٹس نے بیٹھ کر حکمت عملی کی منصوبہ بندی اور اس پر عمل درآمد کے لیے تعاون کیااور ایک دوسرے سے آپریشنل تکنیکس سیکھنے کا موقع مل رہاہے۔ ان مشقوں سے دونوں ممالک کے درمےان بالعموم اور دونوں فضائی افواج کے درمےان بالخصوص تعاون کو فروغ حاصل ہو گا۔
