ٹرمپ کی حمایت کریں یا عہدہ چھوڑیں،امریکی وزیرخارجہ پومپیو کی امریکی حکام کو وارننگ
واشنگٹن(ڈیلی پاکستان آن لائن)امریکی وزیرخارجہ مائیک پومپیو نے کہا ہے کہ حکومت میں شامل عہدیدار یا تو صدر ٹرمپ کی حمایت کریں یا اپنے عہدے چھوڑیں،پومپیو کا یہ بیان ایک ایسے موقع پر سامنے آیا ہے، جب امریکی میڈیا میں یہ خبریں گرم ہیں کہ محکمہ انصاف کے ایک اعلیٰ عہدیدار نے صدر ٹرمپ کی ذہنی صحت کے تناظر میں ان کی صدارت ختم کرنے کے موضوع پر بات چیت کی ہے۔
امریکی اخبار نیویارک ٹائمز نے اپنی ایک رپورٹ میں کہا تھا کہ نائب اٹارنی جنرل روڈ روزن اسٹائن نے خفیہ طور پر صدر ٹرمپ کی ریکارڈنگ کرنے اور امریکی دستور کی 25 ویں ترمیم کے تحت صدر کو عہدے کے لیے نااہل قرار دینے سے متعلق بات چیت کی تھی،جس کے بعد امریکی وزیرخارجہ مائیک پومپیو نے کہا ہے کہ حکومت میں شامل عہدیدار یا تو صدر ٹرمپ کی حمایت کریں یا اپنے عہدے چھوڑیں۔