طلاق کے بعد جہیز کے سامان پر جھگڑا،2افراد ہلاک ،1زخمی

طلاق کے بعد جہیز کے سامان پر جھگڑا،2افراد ہلاک ،1زخمی
طلاق کے بعد جہیز کے سامان پر جھگڑا،2افراد ہلاک ،1زخمی

  

لاہور(ڈیلی پاکستان آن لائن)

کاہنہ کے علاقہ میں جہیز  کے سامان پرجھگڑا ،ر فائرنگ کے دوران دو افراد ہلاک جبکہ ایک زخمی ہوگیا،پولیس نے لاشیں  مردہ خانے منتقل کردی۔

تفصیلات کے مطابق کاہنہ کے علاقہ وڑائچ گاﺅں کے رہائشی اعظم کی شادی پانچ سال قبل اپنے ماموں بلال کے گھر ہوئی لیکن لڑائی جھگڑے کی بناءپر اعظم اور کشور میں طلاق ہوگئی ، گزشتہ روز جہیز کا سامان لینے کے لیے آنے والے بلال، زبیر وغیرہ کا اعظم کے ساتھ جھگڑا ہوگیا، ملزمان زبیر ، بلال وغیرہ نے طیش میں آکر فائرنگ کردی ، فائرنگ کے نتیجہ میں 25سالہ اعظم اور 50سالہ حیدر جاں بحق ہوگئے جبکہ ان کا والد لطیف گولیاں لگنے سے شدید زخمی ہوگیا، اطلاع ملنے پر پولیس کی بھاری نفری موقع پر پہنچ گئی ، لاشوں کو پوسٹمارٹم کے لیے مردہ خانہ جمع کروا دی گئیں جبکہ زخمی لطیف ہسپتال میں زیر علاج ہے ، پولیس کے مطابق قتل سمیت دیگر دفعات کے تحت مقدمہ درج کرکے فرار ہونے والے ملزمان کو جلد گرفتار کرلیا جائے گا۔

مزید : جرم و انصاف