شادی کا کیا پلان ہے؟اب غیر ملکی بھی بلاول بھٹو سے سوال کرنے لگے

شادی کا کیا پلان ہے؟اب غیر ملکی بھی بلاول بھٹو سے سوال کرنے لگے
شادی کا کیا پلان ہے؟اب غیر ملکی بھی بلاول بھٹو سے سوال کرنے لگے

  

نیو یارک (ڈیلی پاکستان آن لائن )پاکستان کے وزیر خارجہ اور  پاکستان پیپلز  پارٹی کے چیئرمین بلاول بھٹو زرداری سے  اقوام متحدہ کی جنرل اسمبلی کے 77ویں اجلاس کے موقع پر  غیر ملکی صحافی نے بھی شادی کے بارے میں سوال کیا  ہے ۔ 

عرب نیوز نے اپنے سوشل میڈیا اکاؤنٹ پر ویڈیو شیئر کی ہے جس میں دیکھا جا سکتا ہے کہ ایک صحافی نے بڑے تجسس سے سوال  کہ میرے پاکستانی دوست پوچھ رہے ہیں کہ کیا آپ کا شادی کا کوئی ارادہ ہے ؟بلاول بھٹو زرداری نے جواب میں  مسکراتے ہوئے کہا کہ "بالکل، میرا شادی کرنے کا ارادہ ہے"، صحافی نے دوبارہ سوال کیا کہ کب تک جس پر بلاول بھٹو بنا جواب دیئے مسکراتے ہوئے چل دیئے ۔

واضح رہے کہ بلاول بھٹو رواں ماہ ہی 34 برس کے ہوئے ہیں، ان کی شادی کے حوالے سے چاہنے والوں اور عوام کو خاصی دلچسپی رہتی ہے کہ یہ رشتہ ازدواج میں کب منسلک ہوں گے اور کون خاتون بلاول کی شریک حیات بنیں گی،یاد رہے کہ پیپلز پارٹی کے  رہنما منظور وسان نے 2019 میں پیشگوئی کی تھی کہ بلاول 2023 میں وزیر اعظم بننے کے بعد شادی کر لیں گے۔اس سے قبل 2016 میں بلاول بھٹو نے اپنی ہونے والی دلہن کے بارے میں کیے گئے سوال کے جواب میں کہا تھا کہ ’ میری شادی اس لڑکی سے ہوگی جو سب سے پہلے میری بہنوں کا دل جیتے، مجھے اس حوالے سے بہنوں کو اعتماد میں لینا ہوگا‘،اُنہوں نے یہ بھی کہا کہ ’میری بہنوں کا دل جیتنا کسی بھی لڑکی کے لیے کافی مشکل کام ہوگا‘۔

مزید :

قومی -