شاہین شاہ آفریدی نے انجری سے نجات حاصل کر لی، بولنگ کا آغاز کر دیا

شاہین شاہ آفریدی نے انجری سے نجات حاصل کر لی، بولنگ کا آغاز کر دیا
شاہین شاہ آفریدی نے انجری سے نجات حاصل کر لی، بولنگ کا آغاز کر دیا

  

لندن (ڈیلی پاکستان آن لائن )پاکستان کرکٹ ٹیم کے فاسٹ بولر شاہین شاہ آفریدی نے گھٹنے کی انجری سے نجات حاصل کرنے کے بعد بولنگ کا آغاز کر دیا ہے ۔

تفصیلات کے مطابق پاکستانی سپیڈ سٹار کی جانب سے سوشل میڈیا سائٹ ٹوئٹر پر اپنے اکاؤنٹ سے ایک ویڈیو جاری کی گئی ہے جس میں انہیں بولنگ کرتے ہوئے دیکھا جا سکتا ہے ، شاہین شاہ آفریدی نے  ساتھ میں لکھا کہ "آپ کی کامیابی  اللہ کیساتھ جڑی ہے نہ کہ آپ کے دماغ کیساتھ "۔

واضح رہے کہ شاہین  آفریدی ان دنوں ری ہیب کے لیے انگلینڈ میں موجود ہیں، فاسٹ بولر دائیں گھٹنے کی تکلیف کی وجہ سے قومی ٹیم کا حصہ نہیں ہیں ، قومی بولر جولائی میں سری لنکا کے خلاف پہلے ٹیسٹ میں گھٹنے کی انجری کا شکار ہوئے تھے جس کے باعث وہ نیدر لینڈزکے خلاف ون ڈے سیریز ، ایشیا کپ اور انگلینڈ کی خلاف ہوم سیریز نہیں کھیل سکے۔

مزید :

اہم خبریں -کھیل -