’میرا ڈیتھ سرٹیفکیٹ گم ہوگیاجسے ملے اطلاع کرے‘ ایک اشتہار جس نے ہرکسی کو حیران کردیا

’میرا ڈیتھ سرٹیفکیٹ گم ہوگیاجسے ملے اطلاع کرے‘ ایک اشتہار جس نے ہرکسی کو ...
’میرا ڈیتھ سرٹیفکیٹ گم ہوگیاجسے ملے اطلاع کرے‘ ایک اشتہار جس نے ہرکسی کو حیران کردیا
سورس: Rawpixel.com (creative commons license)

  

نئی دہلی(مانیٹرنگ ڈیسک) قانونی دستاویزات گم ہونے کے اشتہاراخبارات میں آتے رہتے ہیں تاہم آپ کو یہ سن کر سخت حیرت ہو گی کہ گزشتہ دنوں بھارت میں ایک شخص نے اپنا ہی ’ڈیتھ سرٹیفکیٹ‘ گم ہونے کا اشتہار دے ڈالا ہے۔

انڈیا ٹائمز کے مطابق اس آدمی کا تعلق ریاست آسام سے ہے جس نے اخبار میں دیئے گئے اشتہار میں لکھا ہے کہ اس کا خود کا ڈیتھ سرٹیفکیٹ 7ستمبر2022ءکو لمبڈنگ بازار میں گم ہو گیا تھا۔ جس کسی کو ملے براہ کرم مطلع کرے۔اس عبارت کے ساتھ آدمی کی طرف سے اشتہار میں اپنا نام، پتہ، اپنے ڈیتھ سرٹیفکیٹ کا رجسٹریشن اور سیریل نمبر بھی مہیا کیے گئے ہیں۔

 رپورٹ کے مطابق اس آدمی نے اشتہار میں اپنا نام رنجیت کمار چکرورتی بتایا ہے۔ اس انوکھے اشتہار کی تصویر سوشل میڈیا پر پوسٹ کی گئی ہے جو تیزی سے وائرل ہو رہی ہے اور صارفین حیرت کا اظہار کر رہے ہیں کہ کسی زندہ شخص کا ڈیتھ سرٹیفکیٹ کیسے بن سکتا ہے؟

مزید :

ڈیلی بائیٹس -