سعودی عرب سے تعلقات قائم کرنے کی اسرائیل کی کوششیں ناکام ہوں گی،ایرانی صدر ابراہیم رئیسی
تہران (ڈیلی پاکستان آن لائن) ایران کےصدر ابراہیم رئیسی کا کہنا ہے کہ اسرائیل کے عرب ممالک سے تعلقات کا معاہدہ ناکام ہوجائے گا۔
امریکی چینل کو انٹرویو کے دوران ایرانی صدر کا مزید کہنا تھا کہ امریکی سرپرستی میں خلیجی ریاستوں بشمول سعودی عرب سے اسرائیل کے تعلقات قائم کرانے کی کوششیں ناکام ہوں گی۔
ان کا مزید کہنا تھا کہ ہم نے یہ نہیں کہا کہ اقوام متحدہ کے نیوکلیئر انسپکٹرز کی ایران میں تعیناتی نہیں چاہتے۔
