نئی دہلی(آئی این پی)ا فغانستان سے تعلق رکھنے والا 13 سالہ لڑکا غیر معمولی انداز میں دہلی پہنچ گیا۔بھارتی اخبار کی رپورٹ کے مطابق افغانستان سے تعلق رکھنے والا 13 سالہ لڑکا اتوار کی صبح ایک مسافر طیارے کے لینڈنگ گیئر میں چھپ کر دہلی پہنچ گیا، جس کے بعد بھارتی حکام میں تشویش کی لہر دوڑ گئی۔لڑکا کابل ایئرپورٹ کے ممنوعہ حصے میں داخل ہونے میں کامیاب ہوا اور افغان ایئرلائن KAM کی پرواز RQ-4401 کے پچھلے مرکزی لینڈنگ گیئر کمپارٹمنٹ میں چھپ گیا، یہ پرواز تقریبا دو گھنٹے کے سفر کے بعد صبح 11 بجے دہلی پہنچی۔ ابتدائی تحقیقات میں پتا چلا کہ وہ شمالی افغانستان کے شہر قندوز کا رہائشی ہے، عملے نے اسے حراست میں لیکر سی آئی ایس ایف کے حوالے کیا تفتیش کے دوران لڑکے نے بتایا کہ اس نے یہ اقدام محض تجسس میں کیا بعد ازاں حکام نے اسے اسی ایئرلائن کی پرواز کے ذریعے واپس افغانستان بھیج دیا۔
افغان لڑکا