سابق انٹرنیشنل ہاکی کھلاڑی رانا شفیق کے خلاف ریفرنس میں مزید گواہ طلب
کراچی (اسٹاف رپورٹر)احتساب عدالت نے سابق انٹرنیشنل ہاکی کھلاڑی رانا شفیق کے خلاف ریفرنس میں دو گواہوں کے بیانات پر جرح مکمل ہونے پر آئندہ سماعت پر مزید گواہوں کو طلب کرلیا۔منگل کو احتساب عدالت کے روبرو سابق انٹرنیشنل ہاکی کھلاڑی رانا شفیق کے خلاف ریفرنس کی سماعت ہوئی۔ نیب کے گواہ صدف صدیقی اور شوکت پیش ہوئے۔ ملزم کے وکلا کے جانب سے گواہوں کہ بیان پر جرح مکمل کرلی۔عدالت نے آئندہ سماعت پر ریفرنس کے مزید گواہوں کو طلب کرتے ہوئے سماعت 5 مئی تک ملتوی کردی۔ نیب کے مطابق سابق کھلاڑی پر بطور کسٹم افسر اختیارات کاناجائز استعمال اور کرپشن کاالزام ہے۔ رانا شفیق پرکروڑوں روپے کے غیرقانونی اثاثے بنانیکابھی الزام ہے۔
