پنجاب جلد 10ہزار کرونا ٹیسٹ کرنے کی استعداد حاصل کرلے گا،مومنہ

پنجاب جلد 10ہزار کرونا ٹیسٹ کرنے کی استعداد حاصل کرلے گا،مومنہ

  

لاہور(پ ر) چیئر پرسن سٹیڈنگ کمیٹی فار چیف منسٹر انسپیکشن ٹیم و رکن پنجاب اسمبلی مومنہ وحید نے کہا ہے کہ پنجاب جلد روزانہ 10ہزار کورونا ٹیسٹ کرنے کی استعدادحاصل کرلے گا- سماجی دوری تحفظ کی ضامن ہے -کورونا کی وجہ سے آنے والی تبدیلیوں پر پوری نظر ہے-پھیلاؤروکنے کے لئے گھروں میں رہنا بہت ضروری ہے، آنے والے وقت میں شہریوں کو مزید احتیاط کی ضرورت ہے-

سماجی فاصلے برقرار رکھنے سے کورونا سے تحفظ یقینی بنایا جاسکتاہے-عوام کو بے یارومددگار نہیں چھوڑیں گے-کورونا کے ساتھ ساتھ خراب معاشی حالات سے بھی لڑنا ہے- انصاف امداد پروگرام کا تیسرا مرحلہ جلد شروع ہورہاہے-کورونا کے خدشات کامسلسل جائزہ لے کر عوامی مفاد میں فیصلے کررہے ہیں -وزیراعظم عمران خان نے حالات کے پیش نظر بہترین پالیسی اپنائی-وزیراعلیٰ عثمان بزدار نے کہاکہ پنجاب کے عوام کو کورونا سے بچانا ہماری حکمت عملی کا محور ہے-حکومت پنجاب نے سب سے پہلے کورونا کے خدشے کے پیش نظر پیشگی اقدامات کاآغاز کیا- انہوں نے کہاکہ صوبہ بھر میں قرنطینہ، آئسولیشن سنٹرز، فیلڈ ہسپتال قائم کئے جا چکے ہیں -کورونا کے مریضوں سے سماجی تعلقات رکھنے والے افرادکو بھی چیک کیا جا رہاہے-وزیراعلیٰ نے کہاکہ نیک نیتی سے دن رات محنت کر رہے ہیں،کورونا پر جلد قابو پا لیں گے - حکومت پنجاب کورونا کے خلاف جنگ میں دیگر صوبوں سے تعاون کی پالیسی پر عمل پیرا ہے

مزید :

میٹروپولیٹن 1 -