بھارت میں کورونا کی تباہ کن صورتحال پر پاکستانیوں کے اظہار یکجہتی کرنے پر بالی ووڈ ادا کارہ نے شکریہ ادا کردیا ،ساتھ ہی بھارتی میڈ یا کی پاکستان مخالف سازش بھی بیان کردی 

بھارت میں کورونا کی تباہ کن صورتحال پر پاکستانیوں کے اظہار یکجہتی کرنے پر ...
بھارت میں کورونا کی تباہ کن صورتحال پر پاکستانیوں کے اظہار یکجہتی کرنے پر بالی ووڈ ادا کارہ نے شکریہ ادا کردیا ،ساتھ ہی بھارتی میڈ یا کی پاکستان مخالف سازش بھی بیان کردی 

  

ممبئی(ڈیلی پاکستان آن لائن )بھارت میں کورونا وائرس کی صورتحال دن بدن بگڑتی جا رہی ہے ،روزانہ لاکھوں افراد وائرس سے متاثرہو رہے ہیں جبکہ سینکڑوں موت کے منہ میں جا رہے ہیں ،کورونا کا مقابلہ کرنے والے لوگ آکسیجن کی کمی کا بھی سامنا ہے ۔ایسی صورتحال میں پاکستانیوں کی جانب سے ہمدردانہ پیغامات پر بالی ووڈ اداکارہ نے شکریہ ادا کردیا ۔

مائیکرو بلاگنگ ویب سائٹ ٹوئٹر پر معروف بھارتی اداکارہ سوارا بھاسکر نے کہا کہ اس تباہ کن وقت کے دوران پاکستانی سول سوسائٹی اور سوشل میڈیا کی جانب سے بھارت کے ساتھ اظہار یکجہتی کرنے اور ہمد ردانہ رویہ دکھانے پر خوشی ہوئی ۔ان کا کہنا تھا کہ اس حقیقت کے باوجود کہ ہمارے میڈیا اور مرکزی دھارے میں جاری عوامی گفتگو نے مستقل طور پر پاکستانیوں کا مذاق اڑایاہے۔اداکارہ نے بڑا دل د کھانے پر پڑوسی کا شکریہ بھی ادا کیا۔

اس پر راولپنڈی ایکسپریس شعیب اختر نے کہا کہ اچھی چیزوں کا آغاز کرنے کے لیے ابھی بھی تاخیر نہیں ہوئی ،شائد یہ شروعات ہے ۔انہوں مزید کہا کہ مشکلیں لوگوں کو قریب کرتی ہیں ۔

مزید :

ڈیلی بائیٹس -