ڈسنے لگے ہیں خواب مگر کِس سے بولیے
ڈسنے لگے ہیں خواب مگر کِس سے بولیے
میں جانتی تھی، پال رہی ہوں سنپولیے
بس یہ ہُوا کہ اُس نے تکلّف سے بات کی
اور ہم نے روتے روتے دوپٹے بھگو لیے
پلکوں پہ کچی نیندوں کا رَس پھیلتا ہو جب
ایسے میں آنکھ دُھوپ کے رُخ کیسے کھولیے
تیری برہنہ پائی کے دُکھ بانٹتے ہُوئے
ہم نے خُود اپنے پاؤں میں کانٹے چبھو لیے
میں تیرا نام لے کے تذبذب میں پڑ گئی
سب لوگ اپنے اپنے عزیزوں کو رو لیے!
’’خوشبو کہیں نہ جائے‘‘ یہ اصرار ہے بہت
اور یہ بھی آرزو کہ ذرا زُلف کھولیے
تصویر جب نئی ہے ، نیا کینوس بھی ہے
پھر طشتری میں رنگ پُرانے نہ گھولیے
شاعرہ: پروین شاکر
Dasnay Lagay Hen Khaab Magar Kiss Say Boliay
Main Jaanti Thi Paal Rahi Hun Sanpoliay
Bass Ye Hua Keh Uss Nay Takalluff Say Baat Ki
Aor Ham Nay Rotay RoTay Dupattay Bhigo Liay
Palkon Pe Kachi Neendon Ka Rass Phailta Ho Jab
Aisay Men Aankh Dhoop K Rukh Kaisay Kholiay
Teri Barehna Paaee K Dukh Baantay Huay
Ham Nay Khud Apnay Paaon Men Kaantay Chabho Liay
Main Tera Name Lay K Tazabzub Men Parr Gai
Sab Log Apnay Apnay Azeezon Ko Ro Liay
Khushboo Kahen Na JaaeyPe Israar Hay Bahut
Aor Yeh Bhi Aarzoo Keh Zara Zulf Kholiay
Tasveer Jab nai Hay Naya Kainwas Bhi Hay
Phir Tashtari Men Rang Puraanay Na Gholiay
Poeteess: Parveen Shakir