غازی فورس پر بھی پابندی لگ گئی،نوٹیفکیشن بھی جاری کردیا گیا

غازی فورس پر بھی پابندی لگ گئی،نوٹیفکیشن بھی جاری کردیا گیا
غازی فورس پر بھی پابندی لگ گئی،نوٹیفکیشن بھی جاری کردیا گیا

  

اسلام آباد(ڈیلی پاکستان آن لائن)حکومت نے ایک اور تنظیم پر پابندی لگادی ہے۔ غازی فورس نامی تنظیم پر پابندی کا وزارت داخلہ نے نوٹیفکیشن بھی جاری کردیا ہے۔ جاری کئے گئے نوٹیفکیشن کے مطابق غازی فورس پر انسداد دہشت گردی ایکٹ کے سیکشن 11اے بی کے تحت پابندی لگائی ہے۔نوٹیفکیشن کی کاپی ڈی جی نیکٹا، وزارت خارجہ، قومی سلامتی کونسل سمیت تمام محکموں کو ارسال کردی گئی ہے۔واضح رہے کہ اس اضافے کے بعد وزارت داخلہ کی پابندی کی فہرست میں شامل تنظیموں اور گروپوں کی تعداد 78 ہوگئی ہے۔غازی فورس رواں سال پابندی کی فہرست میں شامل ہونے والی پانچویں تنظیم ہے۔کالعدم تنظیموں کی فہرست بنانے کا عمل 14 اگست 2001 میں اس وقت شروع ہوا تھا جب لشکر جھنگوی اور سپاہ محمد پاکستان کو کالعدم قرار دیا گیا تھا۔بعد ازاں 14 جنوری 2002 کو حکومت نے جیش محمد، لشکر طیبہ، سپاہ صحابہ پاکستان، تحریک اسلامی اور تحریک نفاذ شریعت محمدی پر پابندی عائد کردی تھی۔د رہے کہ 21 اگست کو پاکستان نے داعش، القاعدہ، طالبان سمیت دیگر تنظیموں کے 88 سے زائد دہشت گردوں پر سخت پابندیاں عائد کر دی تھیں۔وزارت خارجہ کے جاری کردہ نوٹی فکیشن میں اقوام متحدہ کی سلامتی کونسل کی 21 قراردادوں کے تحت دہشت گردوں پر عائد کردہ پابندیوں میں اثاثے منجمد کرنا، سفری اور اسلحے کی خرید و فروخت پر پابندی شامل ہے۔پابندیوں کے دو علیحدہ نوٹی فکیشن جاری کیے گئے تھے جن میں کالعدم تنظیموں، دہشت گرد عناصر، افراد کے تمام اثاثے، کھاتے یا مالیاتی ذرائع بغیر کسی پیشگی نوٹس کے فی الفور منجمد کرنے کا حکم دیا گیا۔

مزید :

قومی -