پشاور(ڈیلی پاکستان آن لائن) عوامی نیشنل پارٹی کے رہنما اسفندیار ولی نے پاکستان تحریک انصاف کے رکن صوبائی اسمبلی شفیع جان کو 10 کروڑ روپے ہرجانے کا نوٹس بھیج دیا، جس میں کہا گیا ہے شفیع جان نے 22 اگست کو دوران تقریر الزامات لگائے اور میں اسمبلی تقریر کی ویڈیو اپنے ذاتی فیس بک پیج پر بھی شیئر کی۔
ہم نیوز کے مطابق نوٹس میں مزید کہا گیا کہ شفیع جان 15 دن میں معافی مانگیں اور ویڈیو فیس بک پیج سے ڈیلیٹ کریں۔ اور اگر معافی نہیں مانگی گئی تو قانون کے مطابق کارروائی کریں گے۔
واضح رہے کہ کوہاٹ سے پی ٹی آئی کے رہنما اور رکن صوبائی اسمبلی شفیع جان نے ایوان میں اسفند یار ولی کے خلاف تقریر کی تھی۔